Xorazm viloyati Markaziy Banki binosida yong‘in yuz berdi

Xorazm viloyati, Urganch shahridagi Markaziy Bank binosida 22 may kuni yong‘in sodir bo‘ldi.

FVB xabariga ko‘ra, yong‘in 1 soat davom etdi va taxminan 80 kv.m. maydonni egalladi.

«22 may kuni soat 17:16 da Urganch shahri, Tinchlik ko‘chasida joylashgan Markaziy Bank binosining tom qismi taxminan 80 kv.m. maydonida yong‘in ro‘y bergani to‘g‘risida FVBga xabar tushdi. Yong‘in-qutqaruv ekipajlari soat 17:20 da voqea joyiga yetib bordi. Yong‘in soat 17-38 da qurshab olindi va 18:18 da to‘liq o‘chirildi», deyiladi xabarda.

Qayd qilinishicha, yong‘in oqibatida jabrlanganlar yo‘q.

Yong‘in sabablari haqida ma’lumot berilmadi.