Kiyevning Istanbuldagi muzokaralar uchun takliflari ma’lum bo‘ldi

Ukraina delegatsiyasi 2 iyun kuni Istanbulda bo‘lib o‘tadigan muzokaralarda Rossiya tomoniga taqdim etishni rejalashtirayotgan tinchlik takliflari matni ommaga e’lon qilindi. Reuters bu haqda 1 iyun, yakshanba kuni e’lon qildi.

Kiyevning fikricha, osmonda, quruqlikda va dengizda to‘liq va so‘zsiz o‘t ochishni to‘xtatish muloqot uchun zaruriy shart bo‘lishi kerak.

Ishonchni mustahkamlash uchun barcha noqonuniy ko‘chirilgan ukrainalik bolalarni so‘zsiz qaytarish, harbiy asirlarni «hamma uchun hamma» tamoyili asosida almashish va «Rossiya tomonidan garovga olingan barcha tinch aholini ozod qilish» kerak», deyiladi hujjatda.

Ukraina xalqaro hamjamiyatdan ishonchli xavfsizlik kafolatlarini olishi kerak, deya ta’kidlanadi matnda.

Kiyevni betaraflikka majburlamaslik kerak, deyiladi Ukraina tomonining takliflarida. U Yevroatlantika hamjamiyatining bir qismi bo‘lish-bo‘lmasligini va YeIga a’zo bo‘lish yo‘lini o‘zi tanlashi mumkin.

«Ukraina Qurolli kuchlarining soni, joylashtirilishi va boshqa parametrlari, shuningdek, Ukraina hududiga do‘st xorijiy davlatlar qo‘shinlarini joylashtirish bo‘yicha cheklovlar joriy etishga yo‘l qo‘yilmaydi», — deyiladi hujjatda.