Davlat departamenti butun dunyo bo‘ylab AQSh fuqarolariga ehtiyot bo‘lishni tavsiya qildi

Davlat departamenti butun dunyo bo‘ylab AQSh fuqarolariga ehtiyotkorlikni kuchaytirishni tavsiya qildi.

Foto: KL / HB / CLH / Reuters

AQSh Davlat departamenti xorijda yashovchi yoki sayohat qilayotgan amerikalik fuqarolarga ogohlantirish berib, Yaqin Sharqdagi vaziyat tufayli ehtiyotkorlikni kuchaytirishni tavsiya qildi.

«Isroil va Eron o‘rtasidagi mojaro Yaqin Sharqda transport harakatida uzilish va havo hududining vaqti-vaqti bilan yopilishiga olib keldi. Xorijda AQSh fuqarolari va manfaatlariga qarshi namoyishlar o‘tkazilishi mumkin. Davlat departamenti butun dunyo bo‘ylab AQSh fuqarolariga ehtiyotkorlikni kuchaytirishni tavsiya qiladi», — deyiladi Davlat departamenti saytida.

Unda AQShning Erondagi yadroviy inshootlarga hujumlari haqida hech qanday gap yo‘q, deb yozadi AFP.

Ogohlantirish butun dunyo bo‘ylab amal qiladi.