Isroil armiyasi Livan janubiga hujum qildi

Bayrut bilan tinchlik kelishuviga qaramay, Isroil Livan hududini o‘qqa tutishni to‘xtatmayapti.

Foto: Anadolu Agency

Isroil armiyasi Livan janubidagi Nabatiya viloyatida Ayta ash-Shaab shahrini o‘qqa tutdi. Bu haqda Livan OAV xabar bermoqda.

Qurbonlar, jarohatlanganlar va vayronagarchiliklar haqida hozircha ma’lumot yo‘q.

Isroil va Livan o‘rtasida 2024 yil 27 noyabrda kuchga kirgan o‘t ochishni to‘xtatish kelishuviga qaramay, Isroil qo‘shinlari Livan janubiga quruqlikdan va havodan deyarli har kuni hujum qilmoqda.

Isroil o‘t ochishni to‘xtatish rejimini 3 mingga yaqin holatda buzgan, natijada kamida 213 kishi halok bo‘lgan va 508 kishi yaralangan.

Isroil Bayrut bilan tuzilgan tinchlik kelishuviga ko‘ra Livan hududidan butunlay chiqib ketish majburiyatini olganiga qaramay, Livan janubidagi beshta strategik balandlikda qo‘shinlarini qoldirdi.

Tayyorlagan: Отабек Матназаров

#Isroil #Livan #sionizm