Isroilda G‘azoda doimiy otashkesim o‘rnatish talabi bilan ko‘p ming kishilik aksiya o‘tkazildi

Isroilda hukumat sulh taklifini «ma’qullaganidan» keyin minglab namoyishchilar doimiy o‘t ochishni to‘xtatish va HAMAS bilan asirlar almashish talabini ilgari surgan holda ko‘chalarga chiqdi.

Namoyishlar bosh vazir Binyamin Netanyahuning Vashingtonga tashrifi oldidan bo‘lib o‘tdi. Poytaxt Tel-Aviv mitinglarning diqqat markazida bo‘ldi. Minglab namoyishchilar Begin shohko‘chasi va Habima maydoni ko‘chalarini to‘ldirdi.

Asirga olingan isroillik askar Nimrod Koxenning ukasi Yotam Koxen mitingda so‘zlagan nutqida faqat 60 kunlik sulh va isroillik mahbuslarning qariyb yarmini bosqichma-bosqich ozod etishni nazarda tutuvchi otashkesim taklifini tanqid qildi.

Koxen o‘ta o‘ng vazirlar — milliy xavfsizlik vaziri Itmar Ben-Gvir va moliya vaziri Bezalel Smotrichni Isroilni «diniy urush» ga olib borayotganlikda aybladi va ularni noqonuniy aholi punktlari hamda messian ambitsiyalarini kengaytirish uchun askar va mahbuslar hayotini qurbon qilishga yo‘l qo‘ymaslikka chaqirdi.

«Muzokaralarda uzoq muddatli otashkesim va asirlarni to‘liq ozod qilish taklifi yo‘q. Nega biz qisman kelishuvga boryapmiz?» – deya so‘radi faol.

G‘azoda saqlanayotgan isroillik asir Matan Zangaukerning onasi Eynav Zangauker G‘azoga hujumlarni to‘xtatish va barcha asirdagilarni ozod etilishini ta’minlovchi kelishuvga erishishga chaqirdi. U 60 kunlik sulh tugaganidan keyin G‘azoda asirlar qolishidan xavotirda ekanini bildirdi.

«Rahbarlar biz ularning o‘rinlari uchun abadiy kurashish uchun yashaymiz deb o‘ylaydi, lekin ular qattiq adashadi», dedi isroillik tibbiyot xodimi Itay Shteynmets Xabima maydonidagi mitingda.