Starlink ishida global uzilish ro‘y berdi

Dunyo bo‘ylab sun’iy yo‘ldosh aloqalaridagi uzilishlar taxminan 2,5 soat davom etdi. Ukraina Qurolli kuchlari Starlink «butun front bo‘ylab qulaganini» aytdi.

Foto: AP

24 iyul, payshanba kuni Starlink butun dunyo bo‘ylab yirik uzilishni boshdan kechirdi, bu taxminan ikki yarim soat davom etdi. Starlink hozirda deyarli qayta tiklandi, dedi Starlink vitse-prezidenti Maykl Nikols X ijtimoiy tarmog‘ida.

«Taxminan 2,5 soat davom etgan tarmoqdagi uzilishdan so‘ng Starlink deyarli qayta tiklandi. Uzilish sababi asosiy tarmoqning ishlashini qo‘llab-quvvatlovchi asosiy ichki dasturiy ta’minot xizmatlarining ishlamay qolishi bo‘ldi», deb yozadi Nikols.

Starlink ishidagi global uzilish Ukraina Qurolli kuchlari (UQK)ning sun’iy yo‘ldosh aloqalaridan faol foydalanayotgan bo‘linmalariga ta’sir ko‘rsatdi. 24 iyul kuni kechqurun Ukraina Qurolli kuchlari uchuvchisiz tizimlar qo‘shinlari qo‘mondoni Robert Brovdi Starlink «frontda ishlamay qolganini» ma’lum qildi. Bir necha soatdan keyin u barcha yo‘nalishlarda aloqa tiklanganini aytdi.