G‘azoga gumanitar yordam: Mers Netanyahudan yangi qadamlar talab qildi

Isroil bosh vaziri bilan telefon suhbatida Germaniya kansleri G‘azoda taktik pauza e’lon qilinishidan keyin «tezda muhim qadamlar qo‘yilishi»ni talab qildi.

Foto: REUTERS / Mahmoud Issa

Germaniya kansleri Fridrix Mers Isroil bosh vaziri Binyamin Netanyahu bilan telefon orqali suhbatda taktik pauza e’lon qilinganidan keyin «tezda muhim qadamlar qo‘yilishi»ni talab qildi. Suhbat 27 iyul kuni bo‘lib o‘tdi.

Avvalroq Isroil mudofaa kuchlari (TSAHAL) Telegramʼda G‘azo sektoriga yetib kelayotgan insonparvarlik yordami hajmini oshirish uchun gumanitar maqsadlarda mahalliy vaqt bilan 12:00 dan 22:00 gacha (Toshkent vaqti bilan) harbiy amaliyotlarda taktik pauza joriy etishini ma’lum qilgan edi.

Rejim sektorning bir qator hududlarida keyingi xabarnomagacha amal qiladi. Bunga armiya so‘nggi vaqtlarda faol harbiy amaliyotlar o‘tkazmagan hududlar, jumladan, Al-Mavasi, Dayr al-Baloh shaharlari va G‘azo shahrining ayrim hududlari kiradi.

Qaror BMT va xalqaro tashkilotlar bilan kelishilgan.

Bundan tashqari, mahalliy vaqt bilan soat 06:00 dan 23:00 gacha aholiga oziq-ovqat va dori-darmon yetkazib beruvchi va tarqatuvchi gumanitar karvonlarning xavfsiz o‘tishi uchun barcha hudud bo‘ylab maxsus yo‘nalishlar amal qiladi.