Rossiyada til bilmaydigan migrantlarni ba’zi kasblarga ishga qabul qilmaslik taklif etildi

Rossiya Mehnat vazirligi chet ellik ishchilarni odamlar bilan ijtimoiy munosabatlarni nazarda tutuvchi lavozimlarga kvotalar bo‘yicha ishga joylashtirishni taqiqlashni taklif qildi. Bunday kasblar orasida haydovchilar, sotuvchilar va tibbiyot xodimlari bor.

Buyruq loyihasi 1 avgust kuni normativ-huquqiy hujjatlar loyihalari saytida e’lon qilindi. Hukumat kvotasi chet el fuqarosining Rossiyada bir yildan ortiq bo‘lmasligini nazarda tutadi. 2025 yil uchun 234,9 mingta ruxsatnoma kvotasi belgilangan.

22 iyul kuni Davlat dumasi kvota bo‘yicha kelgan migrantlarga rus tilini bilish bo‘yicha test topshirmaslikka imkon beradigan qonun loyihasini uchinchi o‘qishda qabul qildi. Mehnat vazirligining fikricha, bu xorijdan ishchi kuchini jalb qilish imkonini beradi.