AQSh Tramp, Putin va Zelenskiy uchrashuvini o‘tkazish uchun joy qidirmoqda - CBS

AQSh Vladimir Putin, Donald Tramp va Volodimir Zelenskiy o‘rtasida uchrashuv o‘tkazish uchun joy qidirmoqda, deb xabar berdi CBS o‘z manbalariga tayanib.

"AQSh kelasi hafta oxirida Tramp, Putin va Zelenskiy uchrashuviga joy qidirmoqda", — deyiladi telekanal xabarida.

Rossiya prezidentining yordamchisi Yuriy Ushakov AQSh prezidentining maxsus vakili Stiven Uitkoff Rossiyaga tashrifi chog‘ida uch tomonlama uchrashuv haqida eslatganini aytgan, lekin bu mavzuga izoh bermagandi.

15 avgust kuni Alyaska shtatining Ankorij shahrida Putin va Tramp uchrashuvi bo‘lib o‘tishi kutilmoqda.

CNN telekanalining o‘z manbalariga tayanib xabar berishicha, uchrashuv Elmendorf — Richardson harbiy bazasida o‘tkaziladi.