Isroil bir nechta davlat bilan falastinliklarni ko‘chirish bo‘yicha muzokara olib bormoqda – OAV

Isroil Efiopiya, Liviya, Indoneziya va Janubiy Sudan bilan G‘azo sektorini tark etadigan falastinliklarni qabul qilish imkoniyati borasida muzokara o‘tkazmoqda, deb xabar berdi CNN telekanali o‘z manbasiga tayanib.

"G‘azoning 2 milliondan ortiq aholisining bir qismini qabul qilish evaziga bu mamlakatlar sezilarli moliyaviy va xalqaro kompensatsiya olishni ko‘zlamoqda", - deyiladi CNN xabarida.

Shu bilan birga, Janubiy Sudan hukumati Associated Press (AP) agentligining falastinliklarni ko‘chirish bo‘yicha muzokaralar o‘tkazilayotgani to‘g‘risidagi xabariga raddiya berdi va bu xabarni “asossiz” deb atadi.

O‘tgan haftada Indoneziya 2 ming nafar falastinlikni davolanish uchun hamda ular tuzalganidan so‘ng G‘azoga albatta qaytishi sharti bilan qabul qilishga tayyorligini bildirgandi.