X tarmog‘ida global uzilishlar kuzatildi

Butun dunyo bo‘ylab minglab foydalanuvchilar X ijtimoiy tarmog‘iga kirishda qiyinchiliklarga duch keldi, deb xabar berdi Le Figaro nashri.

Foto: Getty images

DownDetector ma’lumotlariga ko‘ra, soat 19:50da foydalanuvchilardan 4 mingta shikoyat tushgan bo‘lsa, oradan 15 daqiqa o‘tib, shikoyatlar soni 20 mingdan oshib ketdi.

Kompaniya bu holatga hozircha izoh bermadi.

X tarmog‘i faoliyatida oxirgi marta global muammo mart oyida kuzatilgan va bir necha soat davom etgandi. O‘shanda ijtimoiy tarmoq egasi Ilon Mask X kiberhujumga uchraganini aytgandi.

#ijtimoiy tarmoq #X

Kun.uz yangiliklarini Google News'da kuzating

+ Obuna bo'lish