Vengriya muxolifati yetakchisi Rossiya razvedkasini saylovlarga aralashayotganlikda aybladi

Vengriya muxolif partiyasi yetakchisi Rossiya tashqi razvedka xizmati “Yevropa komissiyasi Vengriyada hokimiyatni almashtirishni xohlayotgani” haqida bayonot berganidan so‘ng ana shunday fikr bildirdi.

Foto: Euronews

Rossiya tashqi razvedka xizmatining bayonotiga ko‘ra, "Yevrokomissiya 2026 yil bahorida Vengriyada hokimiyatni almashtirishni istamoqda”. Razvedkaning fikricha, “Tisa” partiyasi rahbari Peter Madyar Viktor Orbanning o‘rnini egallaydigan asosiy da’vogar hisoblanadi.

Ta’kidlanishicha, uni qo‘llab-quvvatlash uchun “sezilarli miqyosda moddiy, ma’muriy, media va lobbist vositalari yo‘naltirilgan. Germaniyadagi partiya fondlari, Norvegiyadagi huquq tashkilotlari hamda Yevropa xalq partiyasi mablag‘ ajratishga tayyor".

"Bu bayonot Vladimir Putin razvedkasi Vengriyadagi saylovlarga aralasha boshlaganligining yaqqol e’tirofidir", - dedi Peter Madyar Balatonfyureddagi chiqishida.

U Euronews telekanaliga bergan intervyusida “Tisa” partiyasini qo‘llab-quvvatlashini ochiqchasiga aytayotganlar qatag‘onga uchrayotganini aytdi.

#Vengriya #Rossiya

Kun.uz yangiliklarini Google News'da kuzating

+ Obuna bo'lish