Indoneziyada 5,8 magnitudali zilzila sodir bo‘ldi

Indoneziya sharqida 5,8 magnitudali zilzila sodir bo‘lishi oqibatida 29 kishi jarohatlandi, deb xabar berdi mahalliy hokimiyat.

AQSh geologiya xizmati ma’lumotiga ko‘ra, yer silkinishi Sulavesi provinsiyasida yuz bergan, uning ortidan kamida 15ta aftershok kuzatilgan.

Tabiiy ofatlar oqibatlarini yumshatish agentligining bildirishicha, jarohatlanganlar shifoxonaga yotqizilgan bo‘lib, ulardan ikki nafarining ahvoli og‘ir deb baholanmoqda.