O‘rmon yong‘inlari Ispaniyaning 50dan ortiq hududini qamrab oldi

To‘rt mingdan ortiq inson evakuatsiya qilingan, o‘n minglab gektar o‘rmonlar olov qurshovida qolgan.

Foto: AP

Ispaniya shimoli va janubida mamlakatning 50dan ortiq hududini qamrab olgan o‘rmon yong‘inlari davom etmoqda.

EFE agentligining xabariga ko‘ra, Kastiliya va Leonda 25ta, Galisiyada 14ta, Asturiyada 12ta yong‘in o‘chog‘i qayd etilgan.

Ourense (Galisiya), Leon va Samorv (Kastiliya va Leon), Somedo (Asturiya), Plasensiya (Estremadura) munitsipalitetlarida vaziyat og‘irligicha qolmoqda.

Galisiyada 47 ming gektar o‘rmon yonib kul bo‘ldi. Minglab odamlar evakuatsiya qilingan.

Yong‘inlarni o‘chirishga favqulodda vaziyatlar bo‘yicha harbiy xizmat bo‘linmalari hamda Yevroittifoq tomonidan taqdim etilgan samolyotlar jalb etilgan.

#yong‘in #Ispaniya