Xitoyga parvoz qilish huquqiga ega bo‘lgan O‘zbekiston aviatashuvchilari soni 8 taga yetkaziladi

Qozog‘istonning Ostona shahrida Markaziy Osiyo-Xitoy (S5+1) fuqaro aviatsiyasi sohasida hamkorlik bo‘yicha ishchi guruhining ikkinchi konferensiyasi bo‘lib o‘tdi.

Konferensiya doirasida O‘zbekiston delegatsiyasi hamda Xitoy fuqaro aviatsiyasi administratsiyasi o‘rtasida muzokaralar o‘tkazildi.

Muzokara davomida ikki mamlakat o‘rtasida kelishilgan aviaqatnovlar sonini 130 tagacha oshirish, O‘zbekiston aviatashuvchilari uchun ruxsat berilgan Xitoy shaharlari sonini ko‘paytirish, shuningdek, yo‘lovchi va yuk tashishda Xitoyga parvoz qilish huquqiga ega bo‘lgan O‘zbekiston aviatashuvchilari sonini 8 taga yetkazish masalalari muhokama qilindi.

Muzokaralar yakuni bo‘yicha tegishli hujjat imzolandi. Mazkur hujjat Xitoy tomoni o‘zining ichki kelishuv jarayonlarini tugatganidan so‘ng kuchga kiritilishi kutilmoqda.

#Xitoy #O‘zbekiston

Kun.uz yangiliklarini Google News'da kuzating

+ Obuna bo'lish