O‘zbekiston, Turkmaniston va Ozarboyjon rahbarlari uch tomonlama sammit o‘tkazadi

O‘zbekiston prezidenti Shavkat Mirziyoyev Turkmaniston Xalq Maslahati raisi Gurbanguli Berdimuhamedovning taklifiga binoan 22 avgust kuni “Ozarbayjon – Turkmaniston – O‘zbekiston” formatidagi uch tomonlama sammitda ishtirok etish uchun ushbu mamlakatda bo‘ladi.

“Avaza” milliy sayyohlik zonasida bo‘lib o‘tadigan tadbirda ko‘p tomonlama hamkorlikni, eng avvalo, savdo-iqtisodiy, transport-kommunikatsiya, energetika va gumanitar sohalarda rivojlantirish masalalari ko‘rib chiqiladi.

Qator qo‘shma hujjatlar imzolanishi ko‘zda tutilgan.

Shavkat Mirziyoyev sammit doirasida ikki tomonlama muzokaralar ham o‘tkazadi.

Eslatib o‘tamiz, shu oy boshida Avazada bo‘lib o‘tgan BMTning Dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasi doirasida Shavkat Mirziyoyev, Gurbanguli Berdimuhamedov va Ozarbayjon bosh vaziri Ali Asadovning uch tomonlama uchrashuvi bo‘lib o‘tgandi.