Isroil Yaman poytaxtiga zarba berdi

Isroil harbiylari Yaman poytaxti Sano shahridagi energetika obektlariga qator zarbalar berdi. Bu haqda Al Masirah telekanali xabar qildi.

Telekanalning ma’lumot berishicha, Isroil Sanodagi prezident saroyi yaqinida joylashgan harbiy lager, Yemen Petroleum Company (YPC) kompaniyasining yonilg‘i to‘ldirish stansiyasi hamda “Haziz” elektrostansiyasiga aviazarbalar bergan.

Dastlabki ma’lumotlarga ko‘ra, hujumlar oqibatida ikki kishi halok bo‘lgan, besh kishi yaralangan.

O‘z navbatida, husiylar axborot xizmati rahbarining o‘rinbosari Nasruddin Amir Isroil hujumining katta qismi qaytarilganini bildirdi.