Silk Avia bir qancha mahalliy qatnovlarni 2 oyga to‘xtatdi

Silk Avia aviakompaniyasi O‘zbekistonning bir qator shaharlariga mahalliy reyslarni 2 oyga bekor qildi.

Aviakompaniya xabariga ko‘ra, sentabr va oktabr oylarida bir qator reyslar «texnik sabablarga ko‘ra» to‘xtatiladi:

- US753/754 Toshkent — Termiz — Toshkent aviaqatnovi;

- US757/758 Toshkent — Termiz — Toshkent aviaqatnovi;

- US501/502 Toshkent — Namangan — Toshkent aviaqatnovi;

- US801/802 Toshkent — Buxoro — Toshkent aviaqatnovi;

- US401/402 Toshkent — Farg‘ona — Toshkent aviaqatnovi;

- US851/852 Toshkent — Navoiy — Toshkent aviaqatnovi.

Yo‘lovchilar ilgari xarid qilingan chiptalar uchun pul mablag‘larini to‘liq qaytarib olishi yoki bo‘sh o‘rinlar mavjud bo‘lgan taqdirda aviakompaniyaning boshqa yo‘nalishlariga qayta band qilish xizmatidan foydalanishi mumkin.

Silk Avia — Uzbekistan Airports tomonidan tashkil etilgan loukoster aviakompaniya bo‘lib, parvozlarini 2023 yil 25 apreldan boshlagan. 2023 yil oktabr oyida prezident qarori bilan kompaniya brendi saqlab qolingan holda Uzbekistan Airways tarkibiga o‘tkazilgan.