Uzbekistan Airways yonilg‘i tanqisligi tufayli O‘zbekistondan Rossiyaga ayrim parvozlarni qisqartiradi

Aviakompaniya O‘zbekistondan Rossiyaning ayrim shaharlariga parvozlar soni qisqartirilishini e’lon qildi.

Foto: Kun.uz

Kompaniya xabariga ko‘ra, bu aviatsiya yonilg‘isi tanqisligi va narxi oshgani bilan bog‘liq.

«Shu bilan birga, biz sizni parvoz dasturidagi joriy o‘zgarishlar haqida xabardor qilishimiz kerak. Aviatsiya yoqilg‘isi tanqisligi va uning qimmatlashishi sababli biz O‘zbekiston shaharlaridan Rossiya Federatsiyasiga ayrim yo‘nalishlar bo‘yicha parvozlar sonini qisqartirishga majburmiz», deyiladi xabarda.

Aviakompaniya qaysi shaharlarga parvozlar qisqartirilganiga aniqlik kiritmadi.

Uzbekistan Airways (HY) O‘zbekistondan Rossiyaga Toshkent, Samarqand, Buxoro, Urganch, Namangan, Farg‘ona, Andijon, Qarshi, Nukus, Navoiy, Termiz va boshqa shaharlardan parvozlarni amalga oshirmoqda. Asosiy yo‘nalishlar Moskva, Sankt-Peterburg, Yekaterinburg, Qozon, Novosibirsk, Krasnodar, Sochi, Ufa, Nijnevartovsk, Irkutsk, Krasnoyarsk, Maxachkala, Grozniy va boshqa ko‘plab shaharlarni o‘z ichiga oladi.

Aniq miqdor mavsumga qarab o‘zgaradi (yozgi/qishki jadval) va haftasiga 100 dan ortiq parvozlar (barcha yo‘nalishlar va chastotalar bilan) bo‘lishi mumkin. Umumiy ma’lumotlarga ko‘ra, O‘zbekiston Rossiya bilan aviaqatnovlar uchun eng «tig‘iz» yo‘nalishlardan biridir.