So‘rov: Nemislarning 47 foizi Bundesverni Ukrainaga yuborishga qarshi

Germaniya fuqarolarining aksariyati — 47 foizi Germaniya armiyasi (Bundesver) harbiy xizmatchilari boshqa davlatlar askarlari bilan urushlar to‘xtatilgandan keyin Ukrainada ehtimoliy tinchlikparvarlik missiyasida qatnashishiga qarshi chiqdi. INSA sotsiologik instituti tomonidan o‘tkazilgan va 24 avgust, yakshanba kuni Bild am Sonntag gazetasida chop etilgan so‘rov natijalari shundan dalolat bermoqda.

Ushbu ma’lumotlarga ko‘ra, respondentlarning 34 foizi Ukrainaga tinchlikparvarlik yordamini «tezroq» yoqlab chiqqan. Respondentlarning yana 7 foizi bu borada fikr bildirmagan, 12 foizi javob berishga qiynalgan. INSA tadqiqotida 21-22 avgust kunlari 1001 kishi ishtirok etdi.

U yoki bu partiyaning saylovchilari orasida Xristian-demokratik va Xristian-sotsial ittifoqlar (XDI/XSI) konservativ bloki tarafdorlarining 48 foizi Bundesver askarlarining Ukrainani qo‘llab-quvvatlashini ma’qullaydi, ularning 36 foizi esa bunga qarshi. «Yashillar» tarafdorlari orasida 53 foiz nemis qo‘shinlarini kiritish tarafdori, 35 foiz qarshi chiqdi.

Germaniya sotsial-demokratik partiyasi (GSDP) tarafdorlari ikkiga bo‘lindi: 41 foizi Bundesver ishtirokini qo‘llab-quvvatladi, 43 foizi qarshi. «Germaniya uchun muqobil» (GuM) o‘ta o‘ng partiyasi saylovchilari orasida qo‘shin yuborishga qarshilar soni 74 foizdan oshadi, atigi 16 foizi esa buni yoqlaydi. So‘l partiya tarafdorlari orasida tarafdorlar va qarshilar nisbati 49 va 34 foizga teng.