Putin va Zelenskiy uchrashuvi bo‘lmaydi – Mers

Rossiya va Ukraina prezidentlari Vladimir Putin va Volodimir Zelenskiyning uchrashuvi bo‘lmaydi, dedi Germaniya kansleri Fridrix Mers.

«Albatta, o‘tgan hafta prezident Tramp va prezident Putin o‘rtasida uchrashuv bo‘lganidek, prezident Zelenskiy va prezident Putin o‘rtasidagi uchrashuvgacha ish yetib bormaydi», dedi u.

Mers boshqa tafsilotlarga to‘xtalmadi, uning bayonoti Fransiya prezidenti Emmanuel Makron bilan bo‘lgan uchrashuvda yangradi.

Avvalroq, Rossiya TIV rahbari Sergey Lavrov Putin Zelenskiy bilan uchrashishga tayyorligini, ammo buning sharti borligini ta’kidlagan edi: oliy darajada ko‘rib chiqilishi kerak bo‘lgan barcha masalalar oldindan hal etilishi kerak.

Mers bayonoti Kiyevga Rossiyaning tungi zarbalaridan keyin yangradi. 27 avgustdan 28 avgustga o‘tar kechasi va 28 avgust kuni ertalab shaharda ikki marta havo trevogasi e’lon qilindi. Shahar ma’muriyatining ma’lum qilishicha, tungi portlashlar tufayli transport harakati qisman to‘xtatilgan, poytaxtda esa yong‘inlardan chiqqan tutun tarqalgan. So‘nggi ma’lumotlarga ko‘ra, 19 kishi halok bo‘lgan.