Rossiyaning Ukrainaga tungi zarbalari: bir kishi halok bo‘ldi, sakkiz kishi yaralandi

Rossiya qo‘shinlari 30 avgust, shanbaga o‘tar kechasi Ukrainaga hujumkor uchuvchisiz uchoqlar va raketalar bilan hujum uyushtirdi, deb xabar berdi Ukraina havo kuchlari. Aksariyat hududlarda havo hujumi haqida ogohlantirish e’lon qilindi. Ayniqsa, Zaporijjya va Dniproga kuchli zarba berildi.

«Zaporijjyaga kamida 12 ta zarba rossiyaliklar tomonidan ommaviy hujum paytida amalga oshirildi», deb yozdi viloyat harbiy ma’muriyati rahbari Ivan Fedorov Telegramʼda. Dastlabki ma’lumotlarga ko‘ra, hujum oqibatida bir kishi halok bo‘lgan, yana sakkiz kishi, jumladan bir bola jarohatlangan. Xususiy uylar vayron bo‘lgan, ko‘p qavatli uylar va sanoat binolari zarar ko‘rgan.

Dnipropetrovsk OHM rahbari Sergey Lisak Dnipro va Pavlograddagi portlashlar haqida xabar berdi. Zarba oqibatlari haqidagi ma’lumotlarga aniqlik kiritilmoqda.