«Tashabbusli budjet»ning g‘oliblari aniqlandi

«Ochiq budjet» portalida «Tashabbusli budjet» jarayonining 2025 yilgi 2-mavsumi g‘olib loyihalari e’lon qilindi.

Jarayonlarda mamlakat bo‘ylab jami 11 milliondan ortiq ovoz berildi.

Ovoz berish jarayoni yakunlariga ko‘ra, 3,2 trln so‘mlik 2 332 ta loyiha g‘olib deb topildi.

G‘olib loyihalarning aksariyatini ichki yo‘llarni (piyodalar yo‘lakchasi, yo‘l o‘tkazgichlar) ta’mirlash (1186 ta), umumta’lim maktablarini (460 ta) va sog‘liqni saqlash muassasalarini ta’mirlash va moddiy-texnika bazasini rivojlantirish (232 ta) tadbirlari tashkil qiladi.