Toshkent viloyatida yangi xalqaro aeroport uchun 1300 gektar yer ajratiladi

Toshkent viloyatida yangi xalqaro aeroport uchun O‘rta Chirchiq va Quyi Chirchiq tumanlaridan yer maydoni ajratiladi. Bu haqda Toshkent viloyati kadastr boshqarmasi xabar berdi.

Qayd qilinishicha, yangi xalqaro aeroport qurilishi uchun 1309,76 gektar yer maydoni ajratilishi rejalashtirilmoqda.

Shundan:

- sug‘oriladigan yerlar 1075,45 gektar;

- bog‘lar 112,69 gektar;

- yaylov va pichanzorlar 0,65 gektar;

- boshqa yerlar 120,97 gektar.

O‘rta Chirchiq tumanidan jami 790,76 gektar:

- sug‘oriladigan yerlar 609,95 gektar;

- bog‘lar 112,63 gektar;

- yaylov va pichanzorlar 0,65 gektar;

- boshqa yerlar 67,53 gektar.

Quyi Chirchiq tumanidan jami 519 gektar:

- sug‘oriladigan yerlar - 465,5 gektar;

- bog‘lar - 0,06 gektar;

- boshqa yerlar - 53,44 gektar.

Toshkent viloyatida yangi xalqaro aeroport qurilishi haqida 1 avgust kuni xabar berildi.