Netanyahu Qatar va «terrorchilarni ushlab turgan» boshqa davlatlarga ultimatum qo‘ydi

Isroil bosh vaziri Binyamin Netanyahu 2023 yil 7 oktyabr kuni sodir etilgan terakt ishtirokchilariga «boshpana» bergan davlatlarga murojaat qilib, ularni chiqarib yuborish yoki sudga berishni talab qildi. Shu munosabat bilan 9 sentabr kuni hududiga Isroil tomonidan birinchi marta zarba berilgan Qatarni tilga oldi.

«Va men Qatarga va terrorchilarni yashirgan barcha davlatlarga aytaman: yoki ularni chiqarib yuboring, yoki javobgarlikka torting. Chunki siz buni qilmasangiz, biz qilamiz», dedi Netanyahu (Isroil hukumati saytidan iqtibos).

Netanyahu nutqi 2000 yil 11 sentabr voqealariga bag‘ishlandi. U ushbu teraktni HAMASning Isroilga qilgan hujumiga qiyosladi. Uning so‘zlariga ko‘ra, Isroilning terrorchilarga hujumlari AQSh Afg‘oniston va Pokistonda «Al-Qoida» a’zolarini ta’qib etganidan farq qilmaydi.

9 sentabr kuni Isroil Qatarda joylashgan HAMAS guruhi rahbariyati manziliga raketa zarbasini berdi. Oqibatda, Isroil bilan G‘azo sektorida o‘t ochishni to‘xtatish bo‘yicha bilvosita muzokaralarda qatnashgan Falastin harakati vakillari halok bo‘ldi.