Ozarboyjonda mushkul ahvolda qolgan fuqaro O‘zbekistonga olib kelindi

O‘zbekiston elchixonasi va Migratsiya agentligi vakolatxonasi ko‘magida Boku shahrida mushkul vaziyatga tushib qolgan fuqaro Sh.M. vatanga qaytarildi.

Foto: "Dunyo" AA

Mazkur insonparvarlik ko‘magi O‘zbekistonda e’lon qilingan "Vatanga qaytarish" aksiyasi doirasida amalga oshirildi.

O‘zbekiston rasmiy vakillari fuqaroning vatanga qaytishi uchun aviachipta xarid qilib berdi. Sh.M. Boku-Toshkent yo‘nalishi bo‘yicha samolyot orqali yurtga kuzatib qo‘yildi.

O‘zbekiston elchixonasi Ozarboyjonda bo‘lib turgan vatandoshlarning huquq va manfaatlarini munosib himoya qilishga alohida e’tibor qaratmoqda.