Polsha Belarus bilan chegarasiga 40 ming nafar askarini joylashtirmoqchi

Polsha mudofaa vazirining o‘rinbosari Tsezariy Tomchikning so‘zlariga ko‘ra, mamlakat "G‘arb-2025" " Rossiya-Belarus harbiy mashg‘ulotlariga javoban bir necha oy tayyorgarlik ko‘rgan.

Foto: Getty Images

Polsha "G‘arb-2025" Rossiya-Belarus harbiy mashg‘ulotlari tufayli Belarus bilan chegaraga 40 ming nafar harbiy xizmatchisini joylashtiradi. Bu haqda Polsha mudofaa vazirining o‘rinbosari Tsezariy Tomchik ma’lum qildi.

"G‘arb-2025" – hujum qilish mashg‘uloti. Shu bois Polsha armiyasi bunga tayyorlandi. Yaqin kunlarda chegaramizda 40 ming nafar harbiy bo‘ladi", - dedi Tomchik.

Uning so‘zlariga ko‘ra, Polsha "G‘arb-2025" mashg‘ulotlariga javoban bir necha oy tayyorgarlik ko‘rgan.

"Polsha armiyasi "G‘arb-2025"ga munosib javob qaytarish uchun 30 mingdan ortiq polshalik harbiylar hamda NATO harbiylari ishtirokida mashg‘ulotlar o‘tkazdi", - dedi Tomchik.

Avvalroq Polsha bosh vaziri Donald Tusk 12-16 sentabr kunlari Belarus hududida bo‘lib o‘tadigan «G‘arb-2025» Rossiya-Belarus harbiy mashg‘ulotlari tufayli chegara yopilayotganini aytgandi.

#Polsha #Belarus

Kun.uz yangiliklarini Google News'da kuzating

+ Obuna bo'lish