O‘zbekistonliklarning AQShga turistik safarlari qariyb 15 foizga oshdi

2025 yilning yanvar-iyul oylarida jami 8 ming nafar O‘zbekiston fuqarosi turistik maqsadlarda AQShga safar qilgan.

Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning shu davriga nisbatan 996 nafarga yoki 14,3 foizga ko‘proqdir.

2025 yilning 7 oyida AQShga safar qilgan o‘zbekistonliklarning asosiy maqsadlari:

• sayyohlik – 5 683 nafar;
• qarindoshlarni yo‘qlash – 1 978 nafar;
• o‘qish – 179 nafar;
• xizmat yuzasidan – 104 nafar;
• davolanish – 23 nafar.