Misrlik yoshlar Qoraqalpog‘iston tibbiyot institutida o‘qishni boshlaydi

Shu yilning 30 sentabr-3 oktyabr kunlari Qoraqalpog‘iston sog‘liqni saqlash vaziri o‘rinbosari Akmal Askarov boshchiligidagi delegatsiya Misrda bo‘ldi.

Foto: Dunyo

Delegatsiya safar davomida Misrning Alameda Group tibbiyot majmuasi tomonidan tashkil etilgan «Mukammallik madaniyati» mavzusidagi ilmiy konferensiyasi va maxsus kurslarda ishtirok etdi.

Ilmiy konferensiyada yetakchi olimlar va mutaxassislar ma’ruza bilan qatnashdi. Shuningdek, panel muhokamalari va seminarlar o‘tkazildi.

Misr tomonida bilan misrlik yoshlarning Qoraqalpog‘iston tibbiyot institutida o‘qishga jalb qilish bo‘yicha kelishuvga erishildi.

Qayd etish joizki, o‘zaro hamkorlik Qoraqalpog‘iston Sog‘liqni saqlash vazirligi va Alameda Group tibbiyot majmuasi o‘rtasida imzolangan hamkorlik memorandumi ijrosi doirasi amalga oshirilmoqda.