Pokiston va Afg‘oniston mojarosida o‘nlab kishilar halok bo‘ldi

12 oktyabr, yakshanba kuni tushdan keyin Afg‘oniston va Pokiston o‘rtasidagi taranglik kuchaydi, deb xabar berdi AFP har ikki tomon bayonotlariga tayanib. Har ikki davlat chegaradagi to‘qnashuvlar natijasida o‘nlab kishilar halok bo‘lgan. Bu raqamlarni mustaqil ravishda tekshirish imkoni yo‘q.

Kobuldagi hukmron "Tolibon" harakati vakili Zabihulloh Mujohidning ma’lum qilishicha, 58 nafar Pokiston askari halok bo‘lgan, Islomobod bu raqamlarni tasdiqlamadi. "Tolibon"ga ko‘ra, qo‘shni davlatning 20 ta chegara posti vaqtincha egallab olingan. Afg‘oniston buni «javob harakati» deb atadi. Mujohid, shuningdek, to‘qqiz afg‘on askari halok bo‘lganini da’vo qildi.

Pokiston ommaviy axborot vositalari xavfsizlik manbalariga tayanib, afg‘on tomonida ham «ko‘p sonli qurbonlar» borligini, Pokiston kuchlari 19 ta afg‘on chegara postini o‘z nazoratiga olganini xabar qildi, deb xabar beradi AFP.

Kuni kecha Afg‘oniston va Pokiston chegarasidagi mojaro "Tolibon" va Pokiston askarlari o‘rtasidagi shiddatli qurolli to‘qnashuvlar bilan avj oldi. Ikki kun avval "Tolibon" Islomobodni Afg‘oniston hududiga havo hujumlarida ayblagan edi.

9 oktyabr kuni Kobul va Afg‘oniston janubi-sharqida sodir bo‘lgan qator portlashlardan so‘ng Afg‘oniston Mudofaa vazirligi Pokistonni suverenitetini buzganlikda aybladi. Islomobod havo hujumlariga aloqadorligini rad etdi, lekin Kobulni «o‘z hududida Pokiston toliblariga boshpana berishni to‘xtatishga» chaqirdi.

Pokiston hukumati ularni 2021 yildan beri yuzlab pokistonlik askarlarni o‘ldirganlikda ayblamoqda. Pokistonlik toliblar Afg‘onistonda jangovar tayyorgarlikdan o‘tadi va afg‘on hamkasblari mafkurasini qo‘llab-quvvatlaydi, deya xabar beradi AFP. Pokiston razvedkasidagi manbalarning dpa axborot agentligiga ma’lum qilishicha, Islomobod zarbalari Pokiston toliblari yetakchisi Nur Vali Mehsudga qaratilgan.