Tashkent City Mall III chorak yakunlarini chiqardi: 90 foiz xalqaro brendlar pasaytirilgan bojxona stavkalarida ishlaydi

Bojxona bojlarining pasaytirilishi O‘zbekiston chakana bozorining o‘zgarishiga turtki bo‘ldi. O‘zbekiston prezidentining 2023 yil 1 yanvardan kuchga kirgan PQ-393-sonli qarori brend tovarlarni olib kirishning yangi, iste’molchi uchun foydaliroq bo‘lgan shartlarini belgiladi. 20-40 foizlik bojlar bittada 5-7,5 foizga tushdi. Bu bozorga xalqaro brendlar kirib kelishini ta’minladi va chakana narxlar tushishiga xizmat qildi.

Ushbu islohotlarning yorqin namunasini Tashkent City Mallʼda ko‘rish mumkin. Savdo-ko‘ngilochar markazning xabar berishicha, uchinchi chorak yakunlariga ko‘ra, 140 ta butikdan 90 tasi imtiyozli import mexanizmidan foydalanadi. Shuningdek, savdo nuqtalarining soni ham ortib bormoqda. Masalan, oxirgi chorakda do‘kon ochgan yangi ijarachilar qatorida Max&Co va Guess brendlari mavjud.

Tashkent City Mall ko‘rsatkichlari mamlakat bo‘yicha umumiy dinamikaga muvofiq keladi. O‘zbekiston Respublikasi Investitsiyalar, sanoat va savdo vazirligi ma’lumotlariga ko‘ra, 2025 yil 1 oktyabr holatiga imtiyozli import uchun 594 ta sertifikat berilgan. Qiyoslash uchun: 1 iyulda bunday sertifikatlar soni 465 ta edi. 2025 yil uchinchi choragidagi o‘sish 129 donani tashkil qildi.

Importning yangi shartlari importchilarga ichki iste’molchi uchun raqobatbardosh narxlarni taklif etish imkonini berdi. Masalan, Tashkent City Mallʼda:

●      Oysho shalvari $45,54, Qozog‘istonda — $43, BAAda — $54,22;

●      Kardigan DeFacto — $20, Qozog‘istonda — $20, Turkiyada — $21,52;

●      Urban Sneakers’dan Gazelle krossovkalari — $147,41, Qozog‘istonda — $145,46, BAAda — $149,59, Turkiyada — $155,51;

●      Lab bo‘yog‘i Kiko Milano — $16,13, Turkiyada — $20,77, Qozog‘istonda — $17,49.

Hisobga olish kerakki, O‘zbekiston ichida solishtirsa bo‘ladigan yoki pastroq narxlar belgilanishi barobarida xaridorlar yetkazib berish va vositachilar komissiyasiga qo‘shimcha xarajatlardan, shuningdek, tovarni o‘lchab ko‘rish yoki qaytarib berish bilan bog‘liq xatarlardan xoli bo‘ladi. Bundan tashqari, talablarga ko‘ra, importchilar mahsulot asliyatini tasdiqlashlari shart, bu esa kontrafakt olib kirish ehtimolini kamaytiradi.

Tashkent City Mall vakillarining kutilmalariga ko‘ra, 2025 yil IV choragida imtiyozli rejimdan foydalanuvchi brendlar ulushi o‘sishda davom etadi. Ijarachilar tarmog‘ining kengayishi va xalqaro kompaniyalar tomonidan barqaror qiziqish O‘zbekistondagi yuksak o‘sish salohiyatidan dalolat beradi.

Reklama huquqi asosida