Parasport bilan shug‘ullanayotgan yoshlarni qo‘llab-quvvatlash mexanizmi joriy etildi

Parasport bilan shug‘ullanayotgan 14–30 yoshli yoshlar uchun davlat tomonidan qator imtiyozlar belgilandi.

Unga ko‘ra, yo‘lkira xarajatlari qoplanadi — kambag‘al oilalar reyestridagi nogironligi bo‘lgan yoshlar uchun, har oy BHMning 1 baravarigacha.

Sport formasi va inventar — 6 oy davomida muntazam parasport to‘garagida ishtirok etgan yoshlarga BHMning 10 baravarigacha miqdorda taqdim etiladi.

Ariza topshirish uchun quyidagi hujjatlar talab etiladi:

🔵 oilani kambag‘allikdan chiqarish bo‘yicha individual reja;
🔵 taksi xizmat ko‘rsatuvchi tadbirkorlik sub’yekti bilan tuzilgan shartnoma;
🔵 parasport to‘garagi rahbarining ma’lumotnomasi;
🔵 sport formasi yoki inventar uchun talabnoma;
🔵 “ERP-sport” tizimidagi monitoring ma’lumotlari.