Ta’lim va sun’iy intellekt: O‘zbekiston va Pokiston qo‘shma loyihalarni ko‘rib chiqdi

Uchrashuv davomida ta’lim sohasida ikki tomonlama hamkorlikni mustahkamlash, yangi qo‘shma loyihalar orqali aloqalarni rivojlantirish istiqbollari ko‘rib chiqildi. Vajiha Qamar konferensiyaning Samarqandda o‘tkazilishi O‘zbekistonning jahon madaniy merosini asrash va ommalashtirish borasidagi faol sa’y-harakatlariga xalqaro hamjamiyat tomonidan yuksak hurmat bildirilishini ko‘rsatadi, deb ta’kidladi.

Shuningdek, tomonlar oliy ta’lim vazirliklari o‘rtasida hamkorlikni institutsionallashtirish, muntazam maslahatlashuvlar va qo‘shma dasturlarni muvofiqlashtirish choralari ustidan fikr almashdi. Akademik va ilmiy aloqalarni faollashtirish, talabalar va o‘qituvchilar almashinuvi, ikki tomonlama diplom dasturlari, tibbiyot, muhandislik va axborot texnologiyalari sohalarida qo‘shma tadqiqotlar, diplomlarni o‘zaro tan olish va ta’lim dasturlarini akkreditatsiyadan o‘tkazish mexanizmlari muhokama qilindi.

Uchrashuvda elektron ta’lim va sun’iy intellekt texnologiyalarini joriy etish, ta’lim va ilmiy hamkorlikni tizimli rivojlantirish mexanizmlari, shuningdek akademik va ilmiy muassasalar rahbarlari ishtirokida O‘zbekiston-Pokiston universitetlari forumini tashkil etish tashabbusi ham qo‘llab-quvvatlandi.