Markaziy bank raisiga uch nafar yangi o‘rinbosar tayinlandi

Nodir Ochilov, Sanjar Nosirov va Nusratulla Fozilov Markaziy bank raisining o‘rinbosari lavozimlariga tayinlandi. Ular mos ravishda monetar operatsiyalar, metodologiya va prudensial nazorat yo‘nalishlarida rahbarlik tajribasiga ega.

Markaziy bank xabariga ko‘ra, tizimda yangi tayinlovlar amalga oshirildi.

Jumladan:

Nodir Ochilov — Markaziy bank raisining o‘rinbosari. Avvalgi lavozimi: Monetar operatsiyalar departamenti direktori.
Sanjar Nosirov — Markaziy bank raisining o‘rinbosari. Avvalgi lavozimi: Kredit tashkilotlari faoliyatini tartibga solish metodologiyasi departamenti rahbari.
Nusratulla Fozilov — Markaziy bank raisining o‘rinbosari. Avvalgi lavozimi: Banklarni prudensial nazorati departamenti direktori.

Qayd etilishicha, yangi tayinlovlar bank tizimidagi monetar siyosat amalga oshirilishi, regulyator metodologiyasi va prudensial nazorat kabi asosiy yo‘nalishlarda institutsional salohiyatni kuchaytirishga qaratilgan.

Tayyorlagan: Отабек Матназаров

#tayinlov #Markaziy bank