AQSh davlat kotibi Marko Rubio 2026 yilda Markaziy Osiyoning 5 davlatiga tashrif buyuradi

AQSh davlat kotibi Marko Rubio 2026 yilda Markaziy Osiyoning besh davlati - Qozog‘iston, Qirg‘iziston, Tojikiston, Turkmaniston va O‘zbekistonga tashrif buyurishni rejalashtirayotganini ma’lum qildi. Bayonot Vashingtonda ushbu davlatlar TIV rahbarlari bilan uchrashuv chog‘ida aytildi.

Foto: REUTERS/Nathan Howard

Reuters’ga ko‘ra, Rubioning tashrifi Tramp ma’muriyatining mintaqadagi resurslarga — jumladan, nodir yer elementlari va boshqa xomashyolarga doir hamkorlikni kuchaytirishga qaratilgan sa’y-harakatlarining bir qismi hisoblanadi.

6 noyabr kuni Oq uyda Markaziy Osiyo davlatlari rahbarlari va prezident Donald Tramp uchrashuvi ham bo‘lib o‘tishi kutilmoqda.

AQSh davlat kotibi Marko Rubio “resurslarni mas’uliyat bilan rivojlantirish” bo‘yicha manfaatlar mushtarakligini ta’kidladi.