Jizzax va Farg‘ona viloyatlari suv tarmog‘i qurilishi bo‘yicha yetakchiga aylandi

Milliy statistika qo‘mitasi ma’lumotlariga ko‘ra, 2025 yilning yanvar–sentabr oylarida O‘zbekiston bo‘yicha jami 404 km suv tarmog‘i ishga tushirilgan.

Ko‘rsatkichlar tahliliga ko‘ra, qurilgan yangi suv tarmoqlarining 73,8 foizi yoki 297,9 kilometri qishloq joylar hissasiga to‘g‘ri keladi. Bu qishloq aholisini toza ichimlik suvi bilan ta’minlashga alohida ustuvorlik berilayotganini ko‘rsatadi.

Hududlar kesimida ishga tushirilgan suv tarmoqlari quyidagi ko‘rinishga ega:

• Jizzax viloyati — 203,1 km;
• Farg‘ona viloyati — 81,5 km;
• Qoraqalpog‘iston Respublikasi — 64,3 km;
• Buxoro viloyati — 31,4 km;
• Qashqadaryo viloyati — 17 km;
• Xorazm viloyati — 6,7 km.

Shu tarzda, Jizzax va Farg‘ona viloyatlari suv tarmog‘i qurilishi bo‘yicha yetakchi hududlar sifatida ajralib turibdi. Qolgan hududlarda ham ichimlik suvi infratuzilmasini yaxshilash ishlari bosqichma-bosqich amalga oshirilayotgani ta’kidlanmoqda.