O‘zbekistonning 38ta oliy ta’lim muassasasi xalqaro reytingda TOP-1000 talikka kirdi

Ushbu reytingda O‘zbekistonning 79 ta oliy ta’lim muassasasi ishtirok etdi.

Foto: yuz.uz

Tayvanda 2025 yilgi UI GreenMetric reytingining rasmiy natijalari e’lon qilindi. Dunyoning eng nufuzli “yashil" universitetlar reytingidan o‘rin olgan ta’lim maskanlari orasida O‘zbekiston oliygohlari ham qayd etildi.

Joriy yilda 105 davlatdan 1 745 ta universitet baholangan ushbu reytingda O‘zbekistonning 79 ta oliy ta’lim muassasasi ishtirok etdi.

Ulardan 38 tasi dunyoning TOP-1000 taligidan joy oldi.

“2025 yilning mamlakatimizda “Atrof-muhitni asrash va ’yashilʼ iqtisodiyot yili” deb e’lon qilingani bilan uyg‘un holda, universitetlarimizning xalqaro ekologik tashabbuslardagi ishtiroki tobora faollashmoqda”, deyiladi Oliy ta’lim, fan va innovatsiyalar vazirligi xabarida.

Tayyorlagan: Дилшодбек Асқаров

#reyting #Oliy ta’lim