Qoʻshimcha funksionallar
-
Tungi ko‘rinish
Rossiya-Ukraina urushi davomiyligi bo‘yicha SSSR-Germaniya urushiga tenglashdi
Ukrainadagi urush 12 yanvar kuni 1418 kunga yetdi va davomiyligi bo‘yicha Sovet Ittifoqining fashistlar Germaniyasiga qarshi urushi bilan tenglashdi. U 1941 yil 22 iyundan 1945 yil 9 maygacha xuddi shuncha kun davom etgandi.
Foto: RIA Novosti
Rossiya-Ukraina urushining hozirgi bosqichi 2022 yil 24 fevralda Rossiya prezidenti Vladimir Putin «maxsus harbiy operatsiya» boshlanganini e’lon qilganidan beri hisoblanmoqda. Aynan shu paytdan boshlab jangovar harakatlar umummilliy xarakterga ega bo‘ldi va mahalliy qarama-qarshilik doirasidan chiqdi.
Ukraina va uning Yevropadagi ittifoqchilari, o‘z navbatida, rasmiy darajada mojaroning boshlanishini 2014 yil deb hisoblaydi. Kiyevda ta’kidlanishicha, Qrim atrofidagi voqealar va Donbassdagi jangovar harakatlar qurolli mojaroning boshlanishidir, 2022 yil esa uning «to‘liq miqyosli urushga» aylanishidir.
1418 kunlik ko‘rsatkichga erishish boshqa sababga ko‘ra ham e’tiborni tortadi. SSSR-Germaniya urushi yillarida Rossiya va Ukraina bir davlat tarkibida bo‘lgan va fashistlar Germaniyasiga qarshi umumiy urush olib borgan. Bugun esa Gitlerga qarshi koalitsiya bo‘yicha sobiq ittifoqchilar front chizig‘ining turli tomonida qolgan.
Umuman olganda fashistlar Germaniyasiga qarshi Ikkinchi jahon urushi 2194 kun davom etgan: 1939 yil 1 sentabrdan 1945 yil 2 sentabrgacha.
Rossiya-Ukraina urushi
Mavzuga oid
20:54
Armaniston TIV targ‘ibotchi Solovyov bayonotlari tufayli Rossiya elchisini chaqirtirdi
19:15
Buyuk Britaniya Ukraina uchun yangi ballistik raketa ishlab chiqadi
16:04
London Kiyev uchun Nightfall ballistik raketasini ishlab chiqadi
15:58