2025 yil qurilish ishlarining asosiy ulushi bino-inshootlar qurilishiga to‘g‘ri kelgan

Milliy statistika qo‘mitasining dastlabki ma’lumotlariga ko‘ra, ushbu yo‘nalish umumiy qurilish ishlarining 69,7 foizini tashkil etib, hajmi 218,7 trln so‘mga yetgan. Bu mamlakatda turar joy, ishlab chiqarish, ijtimoiy va infratuzilma obektlari qurilishiga bo‘lgan talab yuqori ekanini ko‘rsatadi.

Shu bilan birga, fuqarolik obektlari qurilishi hajmi 64,9 trln so‘m, ixtisoslashtirilgan qurilish ishlari esa 30,2 trln so‘mni tashkil etgan.

Bino va inshootlar qurilishi ulushining yuqori bo‘lishi shaharsozlik, infratuzilmani yangilash, aholini turar joy bilan ta’minlash hamda iqtisodiyotning turli sohalaridagi investitsiya loyihalarining faol amalga oshirilayotgani bilan izohlanadi.