Klichko Kiyev aholisiga xavotirli murojaat bilan chiqdi

Avvalroq Ukrainaning aksariyat hududlarida energiya tizimidagi nosozliklar sababli elektr energiyasi ta’minoti favqulodda o‘chgandi. Blekaut jumladan, Kiyev shahri, Kiyev, Chernigov, Sum, Jitomir, Dnepropetrovsk va Odessa oblastida yuz bergan.

Foto: REUTERS / Alina Smutko

Kiyev meri Vitaliy Klichko "Kiyev-24" telekanali efirida energetika tizimidagi vaziyatni xavotirli deb atadi va aholini zarur buyumlarni zaxira qilishga chaqirdi.

"Yuz bergan vaziyat juda murakkab va xavotirli. Bu yana takrorlanishini istisno qilmaymiz. Qo‘limizdan kelganini qilishga urinyapmiz, ammo bizga sizlarning yordamingiz kerak: iltimos, issiq kiyim, ichimlik suvi, texnik suv, oziq-ovqat, dori-darmonlarni zaxira qilib olinglar", — dedi u.

Klichkoning qo‘shimcha qilishicha, shaharda metro va muhim infratuzilma obektlari faoliyatini tiklash ishlari olib borilmoqda.

Avvalroq "Strana.ua" nashri Ukrainaning aksariyat hududlarida energiya tizimidagi nosozliklar sababli elektr energiyasi ta’minoti favqulodda o‘chganini xabar qilgandi. Blekaut jumladan, Kiyev shahri, Kiyev, Chernigov, Sum, Jitomir, Dnepropetrovsk va Odessa oblastida yuz bergan.

Energetika vaziri Denis Shmigal buni texnologiya nosozlik deb izohladi. Uning so‘zlariga ko‘ra, Ruminiya va Moldova hamda Ukrainaning g‘arbiy va markaziy qismlari orasidagi energiya tizimlari ishdan chiqqan.