Qirg‘izistonda prezidentga bo‘ysunadigan tergov qo‘mitasi tuziladi

Qirg‘izistonda yaqin vaqt ichida tergov qo‘mitasi tuziladi. Bu haqda mamlakat prezidenti Sadir Japarov ma’lum qildi. 

"Barcha tergov ishlari ushbu qo‘mitaga beriladi", - dedi u.

Bosh prokuratura hamda harbiy prokuratura mamlakatda qonunlarga rioya qilinishini nazorat qilishda davom etadi.

Japarovning so‘zlariga ko‘ra, yangi tuzilma to‘g‘ridan to‘g‘ri davlat rahbariga bo‘ysunadi.

Uning fikricha, tergov qo‘mitasining tuzilishi mamlakatda inson huquqlariga rioya qilinishini yanada samarali ta’minlash imkonini beradi.