Isroil Tehrondagi neft omborlariga zarba berdi

Eron harbiylari 8 martga o‘tar kechasi Isroil bo‘ylab bir necha raketa uchirdi. Jabrlanganlar haqida ma’lumot kelib tushmagan. Bundan tashqari, Isroilga Livan hududidan dronlar hujumi ham kuzatilgan.

O‘z navbatida, isroillik harbiylar Tehron va uning atrofidagi yonilg‘i saqlash omborlari bo‘ylab zarbalar yo‘lladi, ushbu obektlar Eron qurolli kuchlari tomonidan foydalanilishi aytilgan.

Eron rasmiylariga ko‘ra, Isroil va AQSh jami bo‘lib beshta energetika obektini o‘qqa tutgan – to‘rtta neft bazasi va neft mahsulotlari tashish markazi.

Ijtimoiy tarmoqlarda Tehron va atrofdagi hududlarda boshlangan yirik yong‘inlar videolari tarqalgan.

Eron poytaxtida yashovchilar BBC’ga tungi zarbalar tufayli erta tongda osmon qorong‘i tusga kirganini xabar qilib, bu holat aks etgan video va suratlarni yuborishgan.

Eron neft mahsulotlarini taqsimlash kompaniyasi bosh direktori tungi zarbalar oqibatida ushbu obektlarda ishlagan to‘rtta avtosisterna haydovchilari halok bo‘lganini aytdi. U «neft omborlarida yetarli miqdorda yonilg‘i borligi»ni ta’kidlab, odamlarni «zarurat bo‘lmasa» yonilg‘i quyish shoxobchalariga kelmay turishga chaqirgan.