Ko‘rfazdagi boy arab davlatlari AQShdan Eron bilan urush boshlashni so‘ramagan edi. Biroq Ho‘rmuz bo‘g‘ozi yopilgach, ularning ko‘pchiligi AQShni – Eronni tahdid solishga qodir holatda qoldirib, ishni yarim yo‘lda to‘xtatmaslikka undamoqda. Bu haqda Reuters agentligi Ko‘rfazdagi uchta manbasiga tayanib ma’lum qildi.
«Butun mintaqa bo‘ylab Eron har bir ko‘rfaz davlatiga tegishli barcha qizil chiziqlarni kesib o‘tdi, degan fikr keng tarqalgan», deydi Saudiya Arabistonida joylashgan ko‘rfaz tadqiqot markazi raisi va hukumat qarashlaridan xabardor Abdulaziz Sag‘ir.
«Avvaliga biz ularni himoya qildik va urushga qarshi chiqdik. Ammo ular bizga qarata zarbalar yo‘llashni boshlagach, dushmanga aylanishdi. Ularni boshqacha tasniflashning iloji yo‘q», deb hisoblamoqda saudiyalik ekspert.
Tehron allaqachon o‘z imkoniyatlarini namoyish etib ulgurdi: u dunyo neftining qariyb beshdan bir qismi o‘tadigan va ko‘rfaz iqtisodiyotining asosi bo‘lgan Ho‘rmuz bo‘g‘ozida kemalar qatnovini to‘xtatib qo‘ydi. Shuningdek, ko‘rfazning 6 davlatidagi aeroportlar, portlar, neft obektlari, savdo markazlariga raketa va dronlar bilan hujum qilmoqda.
Ushbu hujumlar esa ko‘rfaz davlatlarining qo‘rquvini yanada kuchaytirdi. Agar Eron ixtiyorida biron bir jiddiy hujumkor qurol yoki ishlab chiqarish quvvati qoldirilsa, uni har safar keskinlik oshganda mintaqaning energiya hayot yo‘lini garovda ushlash uchun ishlatishi mumkin.
«Agar amerikaliklar vazifa to‘liq bajarilmasdan turib chiqib ketishsa, biz Eron bilan yuzma-yuz yolg‘iz qolamiz», deydi saudiyalik ekspert Abdulaziz Sag‘ir.
Urush uchinchi haftasiga kirdi: AQSh va Isroilning havo zarbalari kuchaygan, Eron esa ko‘rfaz bo‘ylab AQSh bazalari va energetika nishonlariga qarata o‘t ochmoqda.
Reutersʼning ko‘rfazdagi manbalardan biri bunday holatda arab yetakchilari orasidagi kayfiyat deyarli bir xil ekanini aytdi: ular
