Bo‘stonliq tumanida “Nexia-2”da yong‘in sodir bo‘ldi

Toshkent viloyati Bo‘stonliq tumanida “Nexia-2” rusumli avtomobil yonib ketdi.

Toshkent viloyati FVBB matbuot xizmati xabariga ko‘ra, hodisa 21 mart kuni sodir bo‘lgan.

Soat 11:48 da viloyat FVBBga tumandagi O‘zgarish ko‘chasida “Nexia-2” rusumli avtomobilda yong‘in sodir bo‘lganligi to‘g‘risida xabar kelib tushgan.

Qutqaruv bo‘linmalari voqea joyiga soat 11:53 da yetib borgan, yong‘in 11:56 da bartaraf etilgan.

“Hodisa oqibatida jabrlanganlar yo‘q. Ayni paytda yong‘in sababi hamda yetkazilgan zarar miqdori aniqlanmoqda”, deyiladi xabarda.