Eron Isroildagi kimyo zavodiga zarba berdi

Eronning raketa zarbasi natijasida Isroil janubidagi Neot-Xovav sanoat hududida joylashgan kimyo zavodida yong‘in yuzaga keldi, deb xabar berdi Ynetnews.

Xabar qilinishicha, zavod ishchilari evakuatsiya qilingan. Xavfli moddalar bilan ishlash bo‘yicha maxsus guruh sanoat hududida zararli moddalar tarqalishi xavfini baholamoqda.  

Isroilning Maariv gazetasining yozishicha, voqea joyiga xavfli moddalar bilan ishlash bo‘yicha uchta guruh jo‘natilgan.  

Calcalist nashri sanoat hududi atrofidagi korxonalar yopilgani haqida xabar berdi. Nashrga ko‘ra, Neot-Xovavda o‘nlab yirik fabrikalar bo‘lib, ularda minglab ishchilar ishlaydi.  

Fars agentligining o‘z manbalariga tayanib xabar qilishicha, Eron Isroilning harbiy sanoatga aloqador zavodiga zarba bergan.  

Neot-Xovav sanoat hududi Isroil kimyo sanoatining muhim markazi hisoblanadi. Mamlakatda ishlab chiqariladigan barcha kimyoviy moddalarning qariyb yarmi shu yerda ishlab chiqariladi.