Eron Trampning keskin tahdidiga javoban AQSh bilan bevosita aloqani uzdi

Eron Donald Trampning keskin tahdidiga javoban AQSh bilan bevosita aloqani uzdi, deb xabar berdi WSJ. Trampning aytishicha, agar Eron uning ultimatumini bajarmasa (xususan, Vashington vaqti bilan 7 aprel oqshomida Ho‘rmuz bo‘g‘ozini ochmasa), unda «bu kecha Eronning butun sivilizatsiyasi o‘ladi va hech qachon qayta tiklanmaydi».

Trampning qo‘shimcha qilishicha, u bunday holatni istamaydi, ammo «ehtimol, bu sodir bo‘ladi» va rejimni «aqlliroq» qilishda «inqilobiy jihatdan ajoyib» ssenariy bo‘lishi mumkin. Shuningdek, u bir kechada elektr stansiyalari, ko‘priklar va boshqa infratuzilmalarni yo‘q qilish mumkinligini aytdi.

Bu AQSh va Isroilning Eronga qarshi davom etayotgan harbiy operatsiyasi (yadroviy obektlar, raketa dasturlari, flot va infratuzilmaga zarbalar) fonida sodir bo‘lmoqda. Asosiy muammo Eron tomonidan to‘sib qo‘yilgan Ho‘rmuz bo‘g‘ozi bo‘lib, bu dunyo neft ta’minotiga jiddiy ta’sir ko‘rsatmoqda.

Muzokaralar vositachilar (mintaqa davlatlari, jumladan, Pokistondagi ehtimoliy uchrashuvlar) orqali olib borildi, biroq Eron Vashingtonning talablarini nomaqbul deb atab, amerikaliklar bilan bevosita uchrashishdan bosh tortdi.

Bevosita aloqa kanallari qisman faol edi, ammo Trampning tahdidlaridan so‘ng Tehron ularni uzib qo‘ydi. Bunda vositachilik davom etmoqda.