Eronda AQSh zarbalari boshlanganidan beri halok bo‘lganlar soni ma’lum qilindi

AQSh va Isroilning Eronga qarshi harbiy operatsiyasi boshlanganidan beri mamlakatda 3 mingdan ortiq odam halok bo‘ldi. Bu haqda Eron sud tibbiyoti tashkiloti rahbari Abbos Masjidiy Araniy ma’lum qildi.

Foto: Getty images

«Taxminan 40 foiz jasadni aniqlashning imkoni bo‘lmadi», dedi Araniy Mizan agentligiga. Uning ta’kidlashicha, hozirda deyarli barcha halok bo‘lganlarning jasadlari aniqlanib, oilalariga topshirilgan.

30 mart kuni Qizil Yarimoy tashkiloti AQSh va Isroilning Eronga qarshi harbiy operatsiyasi boshlanganidan beri 102 mingdan ortiq fuqarolik obektlari hujumga uchragani haqida xabar berdi. Bir haftadan sal ko‘proq vaqt ichida halok bo‘lganlar soni 1,5 barobarga oshdi.

7 aprel kuni AQSh prezidenti Donald Tramp Eron bilan ikki haftalik sulh e’lon qildi. Uning so‘zlariga ko‘ra, bu vaqt ichida tomonlar yakuniy tinchlik kelishuviga erishishi kerak. Eron va Amerika delegatsiyalarining muzokaralari shu hafta Pokistonda boshlanishi mumkin.

Tayyorlagan Сардор Юсупов

#AQSh #Eron #Isroil

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.