Эронда АҚШ зарбалари бошланганидан бери ҳалок бўлганлар сони маълум қилинди

АҚШ ва Исроилнинг Эронга қарши ҳарбий операцияси бошланганидан бери мамлакатда 3 мингдан ортиқ одам ҳалок бўлди. Бу ҳақда Эрон суд тиббиёти ташкилоти раҳбари Аббос Масжидий Араний маълум қилди.

Фото: Getty images

«Тахминан 40 фоиз жасадни аниқлашнинг имкони бўлмади», деди Араний Mizan агентлигига. Унинг таъкидлашича, ҳозирда деярли барча ҳалок бўлганларнинг жасадлари аниқланиб, оилаларига топширилган.

30 март куни Қизил Яримой ташкилоти АҚШ ва Исроилнинг Эронга қарши ҳарбий операцияси бошланганидан бери 102 мингдан ортиқ фуқаролик объектлари ҳужумга учрагани ҳақида хабар берди. Бир ҳафтадан сал кўпроқ вақт ичида ҳалок бўлганлар сони 1,5 баробарга ошди.

7 апрель куни АҚШ президенти Доналд Трамп Эрон билан икки ҳафталик сулҳ эълон қилди. Унинг сўзларига кўра, бу вақт ичида томонлар якуний тинчлик келишувига эришиши керак. Эрон ва Америка делегацияларининг музокаралари шу ҳафта Покистонда бошланиши мумкин.

Тайёрлаган Сардор Юсупов

#АҚШ #Эрон #Исроил

Эрон ядро дастури бўйича музокаралар расман тугамай туриб, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди.