Zelenskiy Rossiyaga zarba berish masofasi uzayganini ma’lum qildi

Prezident so‘zlariga ko‘ra, Ukraina «to‘g‘ri chiziq bo‘ylab 1500 kilometrdan ortiq masofadagi» Rossiya obektlariga zarba bermoqda.

Tuapsedagi neftni qayta ishlash zavodi Foto: Anastasiia Troianova/Kedr

Ukraina «harbiy salohiyatini cheklash» maqsadida Rossiya hududiga zarba berish masofasini oshirdi. Bu haqda Ukraina prezidenti Volodimir Zelenskiy Ukraina Xavfsizlik xizmati rahbari vazifasini vaqtincha bajaruvchi general-mayor Yevgeniy Xmaraning ma’ruzasidan so‘ng ma’lum qildi.

Uning so‘zlariga ko‘ra, Ukraina «to‘g‘ri chiziq bo‘ylab 1500 kilometrdan ortiq masofada» Rossiya obektlariga zarba bermoqda.

Prezidentning aytishicha, har bir bunday hujum «Rossiya harbiy sanoati, logistika va neft eksporti imkoniyatlarini pasaytiradi».

«Diplomatiyaga o‘tish vaqti keldi va bu signalni Moskva eshitishi kerak», deb xulosa qildi Ukraina rahbari.