O‘zbekiston prezidenti Shavkat Mirziyoyev Rossiya Federatsiyasi prezidenti Vladimir Putin taklifiga binoan 24 iyun kuni Moskva shahrida o‘tadigan G‘alaba bayramida ishtirok etish uchun Rossiyaga safar qiladi. Ushbu xabarni Kun.uz'ning hukumatdagi manbasi tasdiqladi.
Rossiya prezidenti matbuot kotibi Dmitriy Peskovning jurnalistlarga ma'lum qilishicha, Qirg‘iziston, Qozog‘iston, Moldova, O‘zbekiston, Tojikiston, Turkmaniston, Serbiya va Xorvatiya davlati rasmiylari joriy yil tashkil etilayotgan G‘alaba bayramida ishtirok etishini tasdiqlagan.
Ma'lumot uchun, Ikkinchi jahon urushida erishilgan g‘alabadan so‘ng, sobiq SSSR davlatida G‘alaba bayrami ilk marta 1945 yili 24 iyunda nishonlangan edi. Shundan so‘ng, bayram 1965 yilgacha nishonlanmagan.
